பக்குவம் - பாகம் 1

மேகலா : கிருஷ்ணா…, தினந்தோறும் ஏதும் எழுதாமல் சும்மா இருப்பது…, குற்ற உணர்ச்சியில் குறுகிப் போகிறேன். ‘ஆபரேஷன் சிந்தூர்’ பற்றி எழுதலாமா…. இன்று, மாண்புமிகு நரேந்திர மோடி பேசிய, ‘ரோட்டி காவ்…, இல்லையேல் என் துப்பாக்கியின் கோலி உன்னைத் தேடி வரும்’ – என்று பாகிஸ்தானை எச்சரித்ததை நினைத்து கொந்தளிக்கவா…, என்று திணறித் திணறி மூச்சு முட்டுது கிருஷ்ணா….

கிருஷ்ணர் : மூச்சு முட்டெல்லாம் வேண்டாம்… ஏதாவது எழுதணும் என்றால், நல்ல தலைப்பாக யோசி… இன்னும் முடிவுறாத ஆபரேஷன் சிந்தூரை வேறு ஒரு நாள் யோசிக்கலாம்… நிறையப் பேசி, பேசி நானே கொதித்துப் போனேன்… ஏதாவது குளிர்ச்சியாகப் பேசலாம்…

மேகலா : அக்னி நட்சத்திரத்தில், சூரியன் கூட தகிக்காமல், கொஞ்ச நாளாக குளிர்ச்சியாயிருக்கிறான். அது போல, நாட்டு மக்கள் எல்லோருக்கும் ஒரு இதம் தேவையாக இருக்கு போல…. நீயும் அதைத்தான் சொல்லுகிறாய்…

கிருஷ்ணர் : சரி…, தலைப்பைச் சொல்லு…

மேகலா : எதை எழுதுவது என்று எனக்கும் புரியவில்லை கிருஷ்ணா….

கிருஷ்ணர் : இன்று முழுவதும், ‘பக்குவம்’, ‘பக்குவமடைதல்’…, ‘மேன்மை’ – இதைப் பற்றி யோசி… அப்புறம் பேசலாம்…

கிருஷ்ணர் : என்ன யோசிச்சயா….

மேகலா : கிருஷ்ணா…, நீ தலைப்பைச் சொன்னாலும் சொன்ன…. என் மண்டைக்குள்ள, எத்தனையோ விஷயங்கள் வந்து போகுது கிருஷ்ணா….

கிருஷ்ணர் : இத…., இதத்தான் எதிர்பார்த்தேன்… ஒண்ணு சொல்லேன் கேட்போம்….

மேகலா : கிருஷ்ணா…, ஒரு விவசாயி பாட்டுப் பாடுகிறான் கிருஷ்ணா…

‘மணப்பாறை மாடு கட்டி

மாயவரம் ஏரு பூட்டி

வயக்காட்டை உழுது போடு சின்னக்கண்ணு

பசுந்தழையப் போட்டு பாடு படு செல்லக்கண்ணு

ஆத்தூரு கிச்சடி சம்பா

பாத்து வாங்கி விதை வெதச்சி

நாத்து பறிச்சி நட்டுப் போடு சின்னக்கண்ணு

தண்ணிய ஏத்தம் ஏத்தி எறச்சிப் போடு சின்னக்கண்ணு

கருத நல்லா விளைய வச்சி

மருத ஜில்லா ஆள வச்சி

அறுத்துப் போடு களத்து மேட்டுல சின்னக்கண்ணு

நல்லா அடிச்சித் தோச்சி அளந்து போடு செல்லக்கண்ணு

பொதிய ஏத்தி வண்டியில பொள்ளாச்சி சந்தையில

விருதுநகர் வியாபாரிக்கு சின்னக்கண்ணு

நீயும் வித்துப் போட்டு பணத்த எண்ணு செல்லக்கண்ணு

சேத்த பணத்த சிக்கனமா செலவு

பண்ண பக்குவமா அம்மா கையில

குடுத்துப் போடு சின்னக்கண்ணு

உங்க அம்மா கையில கொடுத்துப் போடு சின்னக்கண்ணு

அவங்க ஆற நூறு ஆக்குவாங்க செல்லக்கண்ணு’

முறையான விவசாயம் இப்படித்தான் இருக்கணும்… விவசாயத்தின் பலனாக கை மீது கிடைக்கும் போது வருவது, பக்குவம்… பக்குவமா அம்மாவிடம் கொடுத்தால், அது பல்கிப் பெருகும் என்பது கவிஞரின் வாக்கு… உண்மையா உழைப்பவனுக்கு, கால நேரம் அறியும் பக்குவம்…, தன்னாலே வந்து சேரும்… அது எல்லா நன்மையும் தரும் என்று சொல்லுகிறார் கிருஷ்ணா… எனக்கு முதலில் தோன்றியது இந்தப் பாட்டு தான் கிருஷ்ணா…

கிருஷ்ணர் : ஆரம்பமே களை கட்டுதே… பக்குவம் என்பதை, ஒரு சிறு கோடு இழுத்து காட்டியிருக்கிறாய்… ஒரு மரத்தில், பூ பூக்கிறது…, அது வளர்ந்து காயாகி, பழமாகிறது. இதை பக்குவமடைதல் என்கிறோம்… சேத்த பணத்த, சிக்கனமாய் செலவு செய்ய, பக்குவமாய் அம்மா கையில் கொடுத்துப் போடு சின்னக்கண்ணு…, என்கிற வரிகளில், செய்த செயல்களின் பலனைக் கூட, பக்குவமாத்தான் கையாள வேண்டும் என்பது தான் வாழ்க்கைத் தத்துவம்… அதை வெகு இயல்பாக கவிஞர் புரிய வைத்திருக்கிறார்… சூப்பர்… சரி…, ‘பக்குவம்’ என்பதை நீ எப்படி புரிந்து வைத்திருக்கிறாய்….?

(தொடரும்)

Comments

Post a Comment

Popular posts from this blog

பக்குவம் - பாகம் 9 (நிறைவுப் பகுதி)

கிருஷ்ணர்   : ‘பிரம்மரிஷி’ என்பது ஒரு நிலை. வாழ்க்கையின் ஒவ்வொரு கட்டத்திலும், இதை விட better-ஆ நாம் நடந்து கொள்ளணும்…, இல்லையென்றால்…, இதை விட உயர்ந்த promotion-க்கு நாம் முன்னேறணும் என்று ஒவ்வொரு மனிதனும் நினைக்கும் போது, அவனுடைய பழக்க வழக்கம் நடத்தை மட்டுமல்ல மேகலா….   கொஞ்சம் கொஞ்சமாக அவனுடைய attitude கூட shape ஆக ஆரம்பிக்கும். அதனால் அவன் மனநிலையும் பக்குவமடைய ஆரம்பிக்கும். ஒரு கட்டத்தில், அறிவில் தெளிவு மட்டுமல்ல, நிதானம், பொறுமை, அடுத்து நடக்கப்போவதில் தீர்க்கம்…, அதற்கான ஆயத்தம்…, தன் திறமையில் நம்பிக்கை…, அதற்கான பணிவு எல்லாம் ஒன்று சேரும் போது, அவன் outstanding personality யாக, தீர்க்கதரிசனமாக தன் மரணத்தைக் கூட தெரிந்து கொள்ளும் தைரியசாலியாக நிற்கும் நிலை வருமல்லவா…, அதுதான் ‘பிரம்மரிஷி’…  இதைத்தான் விசுவாமித்திரருக்கு, வசிஷ்டர் சூசகமாகத் தெரிவித்தார். இந்த முயற்சியில் ஈடுபடும் போது, ஆசைப்பட்டாலும், கோபப்பட்டாலும் கூட நம் நிதானம் தவறி விடுகிறது… விசுவாமித்திரருக்கு, மேனகை மீது காதல் வந்ததும்…, திரிசங்கு கேட்டதால், அவனை ஸ்தூல உடம்புடன் சொர்க்கத்திற்கு அனுப்பி வைக...
Read more

தன்னம்பிக்கை - பாகம் 3

கிருஷ்ணர்   : இந்தியாவின் நட்பு நாடுகள், இந்தியாவின் எதிரியை எதிர்க்க ஒன்று சேர்ந்ததுதான் highlight. இதில், பிரதமரின் நேர்மையான அணுகுமுறை, நாட்டுப்பற்று, தேசத்தின் மீது அக்கறை, இதை செயல்படுத்துவதில் அவருக்கிருந்த துணிச்சல்…, துணிச்சலான குழுத் தலைவர்கள்…. மேகலா  : கிருஷ்ணா…, நீ சொல்லச் சொல்ல, அன்று நடந்த நிகழ்ச்சிகள் கண் முன்னே வந்து போகுது கிருஷ்ணா… அதே மாதிரி, article 370 என்ற செயல்முறையும், எத்தனையோ தடைகளை மீறி செயல்படுத்தப்பட்ட அசாத்தியமான துணிச்சலான செயல் கிருஷ்ணா… இதிலும், ஒன்றை நிச்சயம் பாராட்டியே ஆகணும் கிருஷ்ணா…. பாரதப் பிரதமரின், உலக நாட்டுத் தலைவர்களுடன் அவருக்கிருந்த நட்பு…, அதனால் ஏற்பட்ட தொடர்பு, reaction…, இவையெல்லாம் இங்குள்ள பிரச்னையாளர்களை வாயடைக்கச் செய்தது என்பது நிதர்சனமான உண்மை… கிருஷ்ணர்  : ஆமாம்…, நேர்மையும், தைரியமும்…, அதே நேரத்தில், நம்ம நாடு அமைதியாய் இருக்க வேண்டும் என்ற ஆசை, நாட்டு வளர்ச்சி, பாதுகாப்பில் அக்கறை…, இவையெல்லாம், துணிச்சல்…, தான் எடுக்கும் முடிவு தான் சரி என்ற அசாத்தியமான நம்பிக்கையின் வேர்கள்…. மேகலா  : கிருஷ்ணா…, இன்னைக்கு ...
Read more

தன்னம்பிக்கை - பாகம் 4

கிருஷ்ணர்   : இன்னும் ஒரு முறை அவரிடம் (டாக்டர் A. P. J. அப்துல் கலாம்), ’சுனாமி வருவதை முன்கூட்டியே அறிந்து தடுக்க முடியாதா’ என்று கேட்கப்பட்டது… அதற்கு அவர், ‘சுனாமியை இத்தனை ஆண்டுகளுக்குள் அறவே தடுத்து நிறுத்த முடியும்’ என்று சொல்லவில்லை…   ’சுனாமி வருவதை, முன்கூட்டியே அறிந்து கொள்ள முடியும்… நாம் தான் பாதுகாப்பான இடத்திற்குப் பெயர்ந்து செல்ல வேண்டும்… இயற்கையின் சீற்றத்தை யாராலும் தடுக்க முடியாது… இயற்கையை அனுசரித்துத்தான் வாழணும்’  என்று எந்த மழுப்பலும் இல்லாமல், தெளிவாகச் சொல்லுகிறார்…. இன்னும் ஒரு முறை, ‘ஜப்பானின், புகுஷிமா என்ற இடத்தில், அணுமின் உலைப்பேரழிவு ஏற்பட்ட சமயத்தில், நம்முடைய கூடங்குளத்திலும், அணுமின் உலை, ரஷ்யாவுடன் கூட்டு முயற்சியில் உருவாகிக் கொண்டிருந்தது. அதனைத் தடுக்கும் முயற்சியில் பலரும் உண்ணாவிரதப் போராட்டம் நடத்திக் கொண்டிருந்த போது, அரசாங்கம்…, நம்முடைய கலாம் ஐயாவை, விளக்கம் கொடுத்து, மக்களுக்கு நம்பிக்கை கொடுக்கச் சொல்லிக் கேட்டுக் கொண்டது. அப்பொழுது…, புகுஷிமா உலையை விட, கூடங்குளம் அணுமின் உலை, மின் கசிவு ஏற்படாதபடி, double protection கொடுக்...
Read more